Policia ka dhënë detajet e para për ngjarjen e ndodhur në Sarandë ku u regjistruan të shtëna me armë.
Të shtënat u regjistruan në fshatin Gjashtë të Sarandës, ku dyshohet se një person ka qëlluar me armë zjarri në ajër.
“Rreth orës 21:40, në fshatin Gjashtë të Sarandës, lart në kodër, dyshohet se një person ka qëlluar me armë zjarri në ajër.
Kanë shkuar shërbimet e policisë së Sarandës si dhe një grup i FNSH me qëllim krehjen e zonës. Vijon puna për sqarimin e rrethanave të ngjarjes”-thuhet në njoftimin e policisë.
