Templates by BIGtheme NET

“Amazon” do të punësojë 100,000 punonjës në Amerikën e Veriut

Gjigandi i tregtisë elektronike Amazon thuhet se do të punësojë 100,000 punonjës në Amerikën e Veriut.

Bloomberg raporton se Amazon po punëson 100,000 punonjës me kohë të plotë dhe me kohë të pjesshme në SHBA dhe Kanada, me paga fillestare prej 15 dollarësh në orë.

Punët e reja përfshijnë përfitime dhe bonuse deri në 1,000 dollarë në qytete të zgjedhura si dhe qasje në programet e trajnimit brenda kompanisë.

Vala e re e punësimeve është përtej 33,000 punësimeve që Amazon njoftoi javën e kaluar. Amazon planifikon të hapë 100 ndërtesa të reja operacionesh duke nisur nga shtatori.

Amazon ka shtuar vende pune në të gjithë botën, pasi vlerësimi i biznesit dhe i tregut të saj janë rritur gjatë pandemisë së koronavirusit. Kompania rriti numrin e punonjësve të saj me kohë të pjesshme me rreth 10 përqind në 876,800, në gjashtë muajt e parë të vitit 2020 sipas raportit të saj financiar të korrikut.

Më parë këtë muaj Amazon kishte njoftuar planet për të shtuar 7,000 punëtorë të përhershëm në Mbretërinë e Bashkuar dhe ka bërë më shumë njoftime për punë në Irlandë dhe Afrikën e Jugut.

Aksionet e Amazon janë rritur me 70 përqind këtë vit, duke rritur vlerën e saj të tregut në 1.56 trilionë dollarë.
CEO dhe themeluesi i Amazon-it, Jeff Bezos, aktualisht është personi më i pasur në botë. Pasuria e tij personale arriti në 200 miliardë dollarë muajin e kaluar, personi i parë që e arriti atë nivel pasurie.

Komento

Adresa e email nuk do te publikohet. Fushat jane te domosdoshme *

*