Vendosni fjalën kyçe....

Deklarata e mjekut italian në parlament: Epidemia një mashtrim, me protokollet e gabuara i kemi vrarë pacientët (Video)


Ditët e fundit në rrjetet sociale po qarkullon një video ku disa mjekë në Dhomën e Deputetëve në Itali pretendojnë se epidemia është një mashtrim.

Doktori Pasquale Mario Bacco flet për mjekët në vijën e frontit gjatë urgjencës Covid-19, duke argumentuar se protokollet ishin të gabuara dhe se për këtë arsye ata po vrasin pacientët duke “djegur” mushkëritë e tyre me oksigjen.

Ai shton më tej se në media është fshehur gjithçka mbi epideminë dhe akuzon politikën si të shitur. 

Bacco e quan pandeminë në qarkullim vetëm një virozë të zakonshme.

Theksojmë se virusi nuk ka vrarë asnjë person. Ne kemi aplikuar terapi dhe protokolle, krejtësisht të gabuara. Nuk i ka vrarë njerëzit viroza, i kemi vrarë ne, u kemi dhënë sheqer në serume, u kemi djegur mushkëritë me oksigjenin qe nuk duheshin përdorur, ndërkohë që ka ilaçe e terapi të thjeshta. Ne kemi vrarë njerëz. Mjekët janë kthyer në instrumente që sjellin vdekje. Nëse do të ishin lejuar autopsitë, do të shihnim gabime prej fëmije të bëra nga ne mjekët. Thjesht i kemi dënuar me vdekje këta njerëz. Është fshehur gjithçka nga media dhe politika e shitur. Kur themi të vërtetën nuk duhet të kemi frike. Ende tani, jemi në një situatë terrori. Thonë se ka filluar vala e dyte e virusit, por le të lemë këto idiotësira. Është në qarkullim, vetëm një virozë e zakonshme”- shprehen mjekët në Itali.


Leave a Reply

Your email address will not be published. Required fields are marked *