Vendosni fjalën kyçe....

Preken nga Covid-19 disa mësues në shkollat e Elbasanit


Disa mësues në shkollat e Elbasanit janë prekur nga Covid-19.

Në shkollën ‘Luigj Gurakuqi’ janë raportuar dy mësues me Covid-19, një mësues ka rezultuar pozitiv në shkollën ‘Naim Frashëri’ e po kështu ka pasur mësues të prekur edhe në shkollat 9-vjeçare të Griqanit ‘Qemal Haxhihasani’, gjimnazet ‘Dhaskal Todri’, ‘Kostandin Kristoforidhi’ dhe shkolla 9-vjeçare Mengel.

Po kështu në gjimnazet ‘Dhaskal Todri’ e ‘Konstandin Kristoforidhi’, në të paktën dy klasa ka patur të paktën nga shtatë nxënës që nuk janë paraqitur në mësim pasi kishin temperaturë dhe pritet rezultati i tamponit të Covid-19, shkruan BW.

Që prej nisjes së shkollës në vend ka pasur më shumë se 80 mësues e dhjetëra nxënës të prekur nga Covid-19. Ministrja e Arsimit tha para pak ditësh se pavarësisht numrit të mësuesve të prekur, situata është nën kontroll.


Leave a Reply

Your email address will not be published. Required fields are marked *