Argjentina është e pikëlluar për vdekjen e Diego Armando Maradona. Presidenti i vendit, Alberto Fernandez, deklaroi tre ditë zie zyrtare për vdekjen e fituesit të Kupës së Botës, i cili vdiq nga një sulm në zemër të mërkurën në moshën 60 vjeçare.
Fernéndez, duke folur për gazetën argjentinase Clarín, tha në një deklaratë të shkurtër se ai ishte “tepër i trishtuar” për vdekjen e Maradona.
“Po punoja me Cafiero kur ata më thanë. Nuk mund ta besoj. Unë jam i tronditur. Është lajmi më i keq që një tifoz i Argjentinës mund të marrë. Ne e donim atë. Po përpiqem të flas me familjen e tij. Do ta shohim. Ka kaq shumë trishtim”-tha presidenti.
Dekreti presidencial që njofton periudhën zyrtare të zisë do të publikohet në Buletinin Zyrtar të Shtetit, për t’u ndjekur nga homazhe në të gjithë vendin për atë që shumë e konsiderojnë si lojtarin më të madh të Argjentinës të të gjitha kohërave
