Penalltitë kanë qenë vendimtare për Milanin për të kaluar në çerekfinale të Kupës së Italisë. Ishte një ndeshje e hapur dhe e ashpër ku Mërgim Vojvoda u lëndua në minutën e 84 për t’u larguar nga fusha derisa Donnarumma i Milanit u ndëshkua me të kuq për protesta nga banka rezervë në minutën e 73-të
Penalltitë kanë vendosur çerekfinalistin në Kupën e Italisë në ndeshjen Milan-Torino.
Pjesa e parë e kësaj ndeshjeje përfundoi me rezultat 0-0, ku Milan pati disa mundësi më të mira për shënim por që nuk i shfrytëzuan.
Në pjesën e dytë ndeshja ishte më e acaruar, me Milanin që kërkonte golin por që Torino e mbante më mirë atë.
Me rezultat të barabartë përfundoi edhe pjesa e dytë dhe të dy skuadrat luajtën edhe dy shtesa nga 15 minuta.
Edhe në shtesa ndeshja ishte e barabartë por Milan arriti që të shënonte një gol në minutën e 114 por që goli i anulua nga VAR.
Nga penalltitë më të sigurt u treguan lojtarët e Milanit derisa portieri i Milanit sonte Tatarusanu mbrojti penalltinë e Rincon.
Pas kësaj fitoreje skuadra e Milan e ka siguruar kualifikimin në çerekfinale të Kupës së Italisë.
