Templates by BIGtheme NET

Protestuesit në Bruksel i vënë flakën komisariatit të policisë (FOTO/VIDEO)

Ajo që filloi si një protestë paqësore u kthye papritur në një përplasje të dhunshme midis demonstruesve dhe policisë të martën në Bruksel. Madje iu vu flaka komisariatit të policisë.

Qindra protestues u mblodhën në sheshin përpara departamentit të policisë se Brukselit të Veriut, për të protestuar lidhur me një incident ku një i ri me ngjyrë vdiq pak pasi u ndalua nga policia.

Të afërmit dhe miqtë e 23-vjeçarit të identifikuar si Ibrahima Barrie ishin gjithashtu të pranishëm, shkruan RT.

“Policët vrasës”– bërtisnin të rinjtë që hidhnin fishekzjarre dhe gurë drejt uniformave blu.

Sipas disa raporteve, grupi kërkoi të ndahej nga turma kryesore dhe të organizonte një marshim. Sidoqoftë, protestuesit u lejuan të mblidheshin vetëm në shesh dhe policia rrethoi rrugët aty pranë dhe nuk e la grupin të kalonte.

Media lokale raportoi gjithashtu se demonstruesit morën materiale ndërtimi nga një kantier ndërtimi, dhe i përdorën ato për t’ua hedhur oficerëve. Një makinë policie u dëmtua dhe disa kontejnerë mbeturinash u dogjën gjatë përleshjeve. Policia u përgjigj duke përdorur topa uji kundër protestuesve.

Organizatorët e protestës, Shoqata e Guineasve të Rinj të Belgjikës, u përpoqën të qetësonin gjërat, por pa rezultat.

Sipas mediave belge, “disa arrestime” u bënë gjatë përleshjeve, por nuk ka informacion mbi numrin e saktë të të arrestuarve, ose mbi ata të plagosur gjatë përplasjes.

Komento

Adresa e email nuk do te publikohet. Fushat jane te domosdoshme *

*