Prokuroria e Peruxhias ka nisur hetimet për zhdukjen e biznesmenit Davide Pecorelli në Shqipëri.
Makina që kishte marrë me qira biznesmeni u gjet e djegur në fshatin Gegjan të Pukës, dhe brenda saj u gjetën eshtra dhe mbetje njerëzore.
Ish-gjyqtari i futbollit mbërriti në 3 janar në Shqipëri. Ai shkoi në Vlorë dhe më pas në Shkodër me destinacion përfundimtar Pukën ku qëndroi për dy netë.
Më 6 janar Davide humbi kontaktet me të afërmit, dhe nuk dihet nëse eshtrat në makinën e djegur i përkasin atij. Në një mesazh të dërguar në “WhatsApp” për një mik biznesmen në, Peccoreli shkruan: “Unë hapa një shoë-room në një qendër tregtare… Deri në datën 6 është luftë. Unë kam rezervuar biletën e kthimit për 10 janar”.
Në 6 janar kontaktet mes tij dhe partneres shqiptare me të cilën ka tre fëmijë u shkëputën. Ndonëse thirrjet në telefonin e Pecorelli-t shkonin, nuk përgjigjej askush.
