Kreu i PD-së Lulzim Basha, ka shkruar pas takimit të Këshillit të Sigurisë Kombëtare, mbi stërvitjen e përbashkët mes ushtrive të NATO-së që do zhvillohet në Shqipëri në pranverë.
Basha thotë se është më krenar se kurrë për rolin që ka pasur për anëtarësimin e Shqipërisë në NATO dhe zotohet se synon që aleancën strategjike me SHBA-në ta çojë në nivele të tjera.
“Takim i shkëlqyer sot me Ambasadoren amerikane Yuri Kim gjatë sesionit të NSC. Jam më krenar se kurrë për rolin tim për ta anëtarësuar Shqipërinë në NATO. Aleanca strategjike dhe miqësia e ngushtë midis Shqipërisë dhe SHBA-së është thelbësore për sigurinë dhe të ardhmen e Shqipërisë dhe unë synoj ta çoj atë në nivele të reja”-shkruan Basha.
