Vendosni fjalën kyçe....

Dikur më i pasuri i Rumanisë/ Arrestohet në aeoroport biznesmeni Ioan Nicuale, i dënuar me 5 vjet burg për korrupsion (PAMJET)


Arrestohet sa zbret në aeroportin e Bukureshtit biznesmeni i njohur rumun Ioan Niculae, pas kthimit nga italia.

Gjykata e Apelit e Bukureshtit e ka dënuar me pesë vjet burg për korrupsion biznesmenin Niculae, dikur i konsideruar si më i pasuri i Rumanisë. Dënimi është përfundimtar dhe është më i ashpër se i pari i vendosur nga Gjykata e Bukureshtit.

Siç shkruajnë mediet rumune, menjëherë pas vendimit të gjykatës oficerët e policisë shkuan në rezidencën e Niculae në Zimnicea për ta marrë atë në paraburgim, por biznesmeni nuk ishte atje. Kështu, Policia nxorri ​​një urdhër arresti në emrin e tij dhe e shtoi atë në listën e personave në kërkim.

Më vonë të enjten në mbrëmje, gjatë një bisede telefonike në kanalin e lajmeve Antena 3, Niculae tha se ai ishte në Milano dhe nuk kishte ndërmend të largohej nga arrestimi. Ai gjithashtu tha se do të kthehej në vend të Premten, sipas G4media.ro.

Kështu të Premten, Niculae u ul në aeroportin e Bukureshtit ku dhe iu vunë prangat. Niculae u gjykua për blerjen e ndikimit, nxitjen për evazion fiskal dhe nxitjen e pastrimit të parave, në një çështje në lidhje me kompaninë e tij kryesore, grupin e agro-biznesit Interagro.

Sipas akuzave në dosje, Interagro lidhi kontrata fiktive me një kompani tjetër për të shmangur pagimin e disa kontributeve në buxhetin e shtetit. Dëmi, në këtë rast u llogarit në mbi 11 milion RON ( apo 2.2 milion euro).

Ioan Niculae ishte dikur njeriu më i pasuri i Rumanisë (në vitin 2014 ai kryesonte në listën e Forbes për 500 më të pasurit e Rumanisë me një pasuri prej 1,1 miliardë euro), por perandoria e tij filloi të tkurrej pasi u dënua me dy vjet e gjashtë muaj burg në prill të vitit 2015. Ai u shpall fajtor për financimin e paligjshëm të fushatës presidenciale të Mircea Geoana në 2009 por u la në liri me kusht në korrik të vitit 2016.

Pasuritë e tij përfshijnë gjithashtu gjashtë uzina plehrash në Rumani, shumica e të cilave aktualisht janë të mbyllura, një fabrikë duhani (gjithashtu në falimentim), si dhe asete të pasurive të patundshme dhe një klub futbolli (Astra Giurgiu). Më poshtë janë pamjet e arrestimit të biznesmenit./Hashtag.al


Rregjistrohu
Më njofto
guest
0 Komente
Reagimet
Shikoni të gjitha komentet