Policia gjeorgjiane ka sulmuar zyrën kryesore të partisë së opozitës, Lëvizja Kombëtare e Bashkuar (UNM) dhe ka arrestuar drejtuesin e saj Nika Melia. Politikani akuzohet për nxitje të trazirave në kryeqytet dy vjet më parë.
Një turmë mbështetësish u përpoqën të parandalonin arrestimin e Melias të martën, megjithatë oficerët hynë në zyrën e UNM-së në kryeqytetin e vendit Tbilisi dhe e kapën atë.
21 persona u arrestuan në përleshjet me policinë, njoftuan mediat në vend, duke cituar Ministrinë e Brendshme. UNM-ja u themelua nga Mikheil Saakashvili, i cili mori pushtetin në 2003 si rezultat i të ashtuquajturit ‘Revolucioni i Trëndafilave’.
Ai u zgjodh president një vit më pas dhe e drejtoi Gjeorgjinë deri në vitin 2013. Saakashvili u largua nga vendi më vonë dhe disa çështje penale filluan kundër tij. UNM-ja e humbi pushtetin në 2012.
