Mbikëqyrësi i të drejtave të njeriut në Filipine ka nisur një hetim pasi nëntë persona të paarmatosur vdiqën gjatë një operacioni policor.
Vdekjet pasuan urdhrin e presidentit ndaj ushtrisë për të vrarë rebelët, por qeveria këmbëngul që operacioni ishte i ligjshëm.
“Urdhri i vrasjes nga ana e presidentit është i ligjshëm sepse u drejtohej rebelëve të armatosur.” – tha zëdhënësi presidencial, Harry Roque, në një konferencë shtypi.
Shefi i Policisë Kombëtare të vendit, Debold Sinas, kishte konfirmuar më herët se në operacion u përfshinë policia e ushtria që u përpoqën të ndalojnë të dyshuarit të cilët ishin akuzuar se ishin të armatosur në mënyrë të palgjshme.
Nëntë persona u vranë nga forcat e sigurisë dhe 15 të tjerë u arrestuan pas bastisjeve, sipas Sinas. Bayan Muna, një grup politik i majtë në Filipine, pohoi se të gjithë ata që ishin në shënjestër ishin aktivistë politikë të paarmatosur.
