Vendosni fjalën kyçe....

I vdiq gruaja gjatë lindjes, kolegët gjermanë i dhurojnë 160 ditë pushime babait të ri shqiptar

Një shqiptar nga Kosova i cili jeton dhe punon në Gjermani ka humbur gruan në mënyrë tragjike, gjatë lindjes së djalit të tyre. Gruaja ishte e prekur nga koronavirusi.

Të prekur nga tragjedia e shqiptarit, kolegët e tij në ndërmarrjen Odenwäller nga Bruchköbel (afër Hanau) kanë filluar një fushatë për ta ndihmuar atë.

Punonjësit e ndërmarrjes bënë një përpjekje për t’i lehtësuar sadopak dhimbjen babait të ri, duke i dhuruar atij disa ditë pushimi.

Çfarë ndodhi?

Gazeta gjermane op-online.de, shkruan fatkeqësia filloi në fillim të vitit kur të dy prindërit e ardhshëm u sëmurën me koronavirus. Gruaja ishte shtatë muajshe shtatzënë në këtë pikë.

Për fat të keq, rrjedha e sëmundjes virale për nënën e re mori shumë për keq. Kjo është arsyeja pse foshnja duhet të sillej në botë me prerje cezariane emergjente në fund të janarit. Djali peshonte vetëm 980 gramë në lindje, dhe pas operacionit nëna e re u vu në koma artificiale. Pavarësisht kujdesit të mirë mjekësor në Spitalin Universitar të Frankfurtit, gjendja e saj po përkeqësohej dukshëm. Ajo qëndroi në koma për dy muaj dhe luftonte me një larmi të komplikimeve. Të hënën e 15 marsit 2021, gruaja e re humbet luftën dhe vdes pa parë kurrë djalin e saj të vogël.

Çfarë bënë kolegët?

I mbetur i ve në moshën 30-vjeçari, shqiptari nga Kosova (emri i të cilit nuk bëhet i ditur në këtë artikull) mesiguri nuk e priste gjestin e kolegëve pasi edhe pse kishte vetëm pak vite që punonte në ndërmarrjen Odenwäller, ata u mblodhën për të bërë diçka për t’i lehtësuar sadopak dhimbjen.

Shefi Lukas Odenwäller thotë se nuk është në dijeni të ndonjë rasti tjetër të tillë dhe vendosu që t’i dhuronte disa ditë pushimi kolegut.

Ai fillon një thirrje midis forcës së punës që kushdo që dëshiron të ndihmojë mund t’i dhurojë ditë pushimi babait të ri. Ata më pas mund të vendosin vetë, nëse duan të marrin pushime apo ditët e tyre të paguhen. “Ne jemi një biznes familjar, unë vetë kam tre fëmijë të vegjël”– shpjegon Lukas Odenwäller. Kompania ka një përgjegjësi shoqërore për punonjësit e saj.

Askush nuk do ta linte indiferent fatin e kolegut të tyre. Mbi të gjitha, shumë prej 150 punonjësve të kompanisë janë nga familje të reja. “Si një kompani e kopshtarisë dhe e peizazhit, ne jemi më shumë një kompani e mbizotëruar nga meshkujt, prandaj u identifikuam fort me babanë tonë të ri.” Gatishmëria për të ndihmuar ishte aq e madhe saqë tani janë grumbulluar mbi 160 ditë pushimesh.

Kompania Odenwäller ka rënë dakord t’i kalojë këto ditë pushimesh babait të pikëlluar. Ose si ditë pushimi, ose si mbështetje financiare. “Kështu që ne do të paguajmë çdo ditë të dhuruar me 200 euro për punonjës dhe 100 euro për stazhier.”- shkruan Lukas Odenwäller. Kompania i rrit këto shuma përgjysmë.

Lukas Odenwäller nuk është i lumtur vetëm për babanë e ri, i cili merr këtë mbështetje të madhe. Ai është gjithashtu krenar për punonjësit e tij. “Është një frymë e shkëlqyeshme ekipi, të kesh punonjës të tillë si drejtor menaxhues është shumë mirë”.

Shqiptari kishte mbetur i suprizuar nga dhurata e kolegëve. “Ai nuk e kishte pritur këtë”- raporton shefi i tij. Babai i ri kishte mbërritur në Gjermani nga Kosova vetëm disa vjet më parë dhe jo vetëm që ka gjetur një punëdhënës në Odenwäller GmbH, por padyshim edhe një familje të madhe.

Leave a Reply

Your email address will not be published. Required fields are marked *