Një video e fshehtë e publikuar nga Projekti Veritas tregon drejtorin teknik të CNN-it Charlie Chester, i cili pranon se si rrjeti e mbuloi me qëllim në një dritë pozitive presidentit Joe Bidenin, për të nxjerrë ish-presidentin Donald Trump nga zyra.
Në një bisedë me një gazetar të Projektit Veritas, Chester shihet në video duke pranuar që CNN punoi për ta bërë Trumpin të dukej “i papërshtatshëm për zyrën”, ndërsa njëkohësisht e portretizonte Bidenin si të shëndetshëm, për të luftuar frikën e amerikanëve se 78-vjeçari nuk ishte i aftë të mbante postin.
“Shikoni çfarë bëmë, ne (nënkupton CNN) e larguam Trumpin. Unë jam 100% duke e pranuar atë, dhe unë 100% e besoj se nëse nuk do të ishte për CNN-in, unë nuk e di nëse Trump do të ishte larguar… Unë erdha në CNN sepse doja të isha pjesë e kësaj.”– thotë Chester në video.
Ai gjithashtu tregoi me detaje se kishin marrë mjekë për të folur për histori spekulative, mbi shtrëngimet e duarve të Trumpit.
“Ne po krijonim një histori atje për të cilën nuk dinim asgjë. Kjo është ajo – mendoj se kjo është propaganda.”– tha ai.
Chester zbuloi se e kundërta ishte bërë për Bidenin gjatë garës presidenciale në vitin 2020.
“Ne gjithmonë do të nxirrnim xhirime të tij duke vrapuar dhe se ai është i shëndetshëm, i jepnim hijen e një aviatori.“-tha ai, duke thënë se strategjia ishte të devijohej nga mosha e tij dhe gafat e shumta publike.
Por për Trumpin, CNN nxorri histori të shumta në lidhje me shëndetin e tij gjatë garës presidenciale. Punonjësi i CNN-it gjithashtu dha strategjinë e rrjetit të tij që po largohet nga mbulimi i pandemisë së Covid-19 që të kalojë në një fokus në ndryshimin e klimës.
“Do të jetë fokusi ynë (pra i CNN-it). Ashtu si fokusi ynë ishte të largonim Trump nga zyra. Pra, gjëja jonë tjetër do të jetë ndërgjegjësimi për ndryshimet klimatike.”– tha ai, citon RT.
Chester shtoi se ai nuk e di specifikisht si do bëhet kjo, por ka të ngjarë të transmetohen video frikësuese të “efekteve që kanë ndryshimet klimatike në ekonomi”, si dhe “shkrirja e akujve” dhe “ngrohja e motit”.
Chester zbuloi se personi që vendos për të gjithë këtë është kreu i CNN-it, Jeff Zucker.
