Komisioni Qendror i Zgjedhjeve ka bërë kryqëzimin e të dhënave pas kërkesës së bërë nga Komisioni i Ankimimeve e Sanksioneve lidhur me zgjedhjet në Berat e Gjirokastër.
Sipas tabelave të KQZ-së, ka 57 raste të dyshimta në Berat mes të cilave edhe 2 raste ku 2 persona janë shfaqur në 2 qendra të ndryshme votimi.
Po kështu, në të njëjtin qark, 19 persona kanë dhënë shenjën e gishtit në Pajisjen e Identifikimit Elektronik për 53 votues.
Në Gjirokastër rastet e dyshimta janë 74. Ashtu si në Berat, janë 2 raste, ku 2 persona janë paraqitur në 2 qendra të ndryshme votimi. 12 persona kanë dhënë shenjën e gishtit te pajisjet e Identifikimit Elektronik për 70 votues.
