Të burgosurit në qytetin e tretë më të madh të Rusisë, Novosibirsk, tani do të marrin një shije të vogël të udhëtimeve ndërkombëtare pasi burgu i tyre vendosi kuti telefonike të kuqe të stilit britanik për të burgosurit që duan të flasin me të afërmit.
Autoritetet e burgut gjithashtu lejuan studentët e artit të burgut të vizatonin një ilustrim të Kullës Elizabeth të Pallatit të Westminsterit, e njohur në të gjithë botën si ‘Big Ben’.
Sipas autoriteteve vendosja e telefonave me pagesë brenda kabinave të kuqe ndihmon për të ‘krijuar atmosferën e Londrës’. Sipas ligjit rus, të burgosurit kanë të drejtë të bëjnë biseda telefonike.
Kolonia Korrektuese 8 është një koloni penale me siguri të lartë për të burgosurit që kanë kryer më parë një dënim me burg. Burgu ndodhet në periferi të Novosibirsk, qyteti më i madh në Siberi, 3,000 kilometra në lindje të Moskës.
